KORONADAL CITY- Kumpirmado nga may mga nabakunahan sang dengvaxia sa probinsiya sang South Cotabato.
Ini sa pihak sang una nga nareport nga wala sang dengvaxia vaccine sa probinsiya.
Ang nasambit nga datus ang natipon sang Provincial Epidemiology and surveillance unit (PESU) sang IPHO-South Cotabato subong nga tuig lamang.
Suno kay Cecile Lorenzo, PESU chief, yara sa 49 ang ila nga napagkit nga mga nabakunahan gikan sa nagkalain-lain nga private health facilities sa probinsiya.
Apang, ginklaro ni Lorenzo nga wala sang bakuna ang napagkit sa South Cotabato gikan sa mga public health facilities.
Wala sini ginpahayag kun sa diin nga banwa ukon siyudad sa probinsiya nagikan ang mga nagpabakuna bangud confidential ang record sang mga ini.
Kaangot sini, gin-awhag ni Lorenzo ang mga nabakunahan sang dengvaxia nga magpadulong gilayon sa mga hopistal kun may makit-an nga may sintomas sang dengue agud nga mahingagaw.
Una diri, ginapasiguro ni Dr. Rogelio Aturdido Jr., provincial health officer sang South Cotabato, nga wala sang Dengvaxia vaccine nga nahatag ang probinsiya sa idalom sang Provincial Health Office.
