KORONADAL CITY- Nagpatigayon sang information campaign may kaangtanan sa dengue ang Integrated Provincial Health office sang South Cotabato kadungan sang Bombo Medico 2019 sa Koronadal National Comprehensive High School.
Ini ang libre nga ginpatigayon agud nga mahatagan sang awareness ang mga benepisyaro sang Bombo Medico sa dala nga risgo sang dengue.
Ginpangunahan ini ni Jo Baroquillo sang South Cotabato IPHO matapos ang nagasaka nga numero sang mga apektado sang dengue sa bugg-os nga probinsya.
Magluwas sini, nagpanagtag man sang 50 ka libre nga mosquito nets nga makabulig agud nga matapna ang lamok.
Nahibaluan nga mahimo nga magdugay sang halos 3 ka tuig ang nasambit nga mosquito nets nga sarang magpatay sa lamok bangud ini ang mga may insecticide.
Kaangot sini, nagpalab-ot man sang pasasalamat si Baroquillo sa Bombo Radyo sa pagpatigayon sang Bombo Medico 2019 nga nakabulig sa mga residente sa bug-os nga probinsya makaligad nga mapalab-ot nila ang mga tikang agud nga matapna na ang dengue.
Madudmuman nga yara sa 2 ka sa probinsya ang nagdeklarar sang state of calamity kag yara sa 3,020 nga ang apektado sang dengue sa probinsya.
