KORONADAL CITY- Nagapati ang Indigenous Peoples ukon IP Community sa banwa sang Tampakan, South Cotabato nga makabulig sa development sang ila nga lugar ang programa sang Saguitarrius Mines Inc ukon SMI.
Ini ang ginpahayag ni Amay Collado, Indigenous People Mandatory Respresentative sang Tampakan sa esklusibo nga interbyu sang Bombo Radyo Koronadal.
Suno kay Collado, ang ila nga desisyon nga suportaran ang SMI ang bangud man sa National Laws angot sa pagprotehir sang ila nga Ancestral Domain.
Ginpahayag ni Collado nga ang mining program sang SMI sa sulod sang ila nga lupang kabilin ang may dako nga makabulig ilabi sa development sang ila nga lugar kag indi man suno pa sila maulihi sa pag-uswag sang estado.
Pahayag ini ni Collado kasunod sang kaso nga ginsang-at nila sa korte batuk sa Provincial Government sang South Cotabato nga nagapamatok naman sa liwat nga operasyon sang SMI ilabi na sa banwa sang Tampakan.
Kadungan sini, ginahingyo man suno sang IP Community sa pagpanguna sang Tribal Chieftain nga kakason ang Sec 22 sa Environmental Code sang probinsya.
Ini bangud katungon suno pa nila nga sila ang konsultahon ilabi na kun may proyekto nga yara sa sulod sang ila nga ancestral domain antes ini nga desiyunan sang gobyerno lamang.
Gin-insister man ni Collado nga nagpatigayon kuntani anay sang free and prior information consent bangud nalakip sila sa development sang lugar ilabi kun tigayon na ini nga ma-implementar.
