KORONADAL CITY – Nagapangyo sang bulig sa subong ang mga biktima sa panibag-o nga scam sa Mindanao nga kasubong sang KAPA nga maibalik ang ila nga kwarta nga gin dala sang mga recruiter kag naga pakilala nga founder.
Sa reklamo nga gin palab-ot ni Nanay Inday sa Bombo Radyo Koronadal, naganyatan siya kag ang iya nga kaupod nga mag mag-invest nga kwarta bangud sa promiso tatlo ka porsiento nga interest sa ila nga kada bulan.
Suno kay Nanay Inday, nagpadulong sa mga puluy-an agod maka ganyar ang mga recruiter kag naga dala sang mga forms agod kong maka desisyon hinali nga iga re-recruit kag mag hatag sang isa ka gatos nga membership fee.
Naganyat suno pa si Nanay Inday bangud sa sekretarya sang Barangay ang isa sa mga recruiter nila sa Bo.8, Midsayap, North Cotabato kag bangud sa kapigaduhon nga tuga sang COVID-19 pandemic.
Suno sa iya, nakahatag ini sang P45,000 pesos nga investment samtang mas adako naman nga nagalab-ot sa milyon ang iba sini nga kaupdanan.
Luyag sini sa subong, mabalik sa ila ang ila nga kwarta bangud sa ipabulong sini sa iya nga tiayon.
Sa subong, sirado suno pa ang talatapan nga branch sang Haspe Multipurpose Cooperative sa ila nga lugar nga nangin main office sa Silway 8, Polomolok, South Cotabato.
