KORONADAL CITY – Paga umpisahan sa subong, ang intensive surveillance ,monitoring kag contact tracing sang Sultan Kudarat Provincial Epidemiology Survaillance Unit kag Tacurong City Epidemiology Survaillance Unit angot sa pinaka una nga kaso sang Covid-19 Delta Variant nga napagkit sa Rehiyon Dose.
Ini ang ginkompirmar ni Arjohn Gangoso, Health, Education and Promotion Officer ng DOH-12 sa ekslusibong interbyu sang Bombo Radyo Koronadal.
Suno sa opisyal,naga padayon sa subong ang pagpatuman sang nasambit nga tikang agod macontain kag malikawan ang paglapta sini sa bug-os nga rehiyon dose makaligad nga ma detect ang nasambit nga kaso base sa genomic survaillance nga gindihon sang DOH.
Gintagaan punto sini ang una nga kaso nga napakit kong sa diin isa ka 37 anyos nga babaye nga asymptomatic ang pasyente nga nakit-an sang Delta Variant apang halos mag duha ka bulan nga naka guwa sa Isolation Facility kag gina konsiderar nga recovered ang nasambit nga pasyente.
Dugang pa ni Gangoso, ang nasambit nga pasyente ang nakumpleto na ang quarantine days sini kag nag negatibo sa reswabbing.
Naga apila naman ini sa tanan nga mga taga Rehiyon Dose labi na sa syudad sang Tacurong kag kaipi sini nga mga lugar nga indi mag salasala sa baylo nga padayon sa pagsunod sa health protocols nga una ginpatuman sang IATF.
