Manageable sa gihapon bisan pa nga nagsaka gamay ang headline inflation sa 1.4 porsyento subong Hunyo halin sa 1.3 porsyento sang Mayo.
Sulod gihapon ini sa ginatarget nga range sang Bangko Sentral ng Pilipinas (BSP).
Sa una ka anum ka bulan sang 2025, nagpabilin sa 1.8 porsyento ang average inflation — mas manubo sa target sang gobyerno nga 2 tubtob 4 porsyento.
Nagnubo ang food inflation bangud sang mas barato nga presyo sang gulay kag bugas, nga ginpabakod sang maayo nga produksyon kag mga tikang sang gobyerno.
Nagtaas naman ang non-food inflation bangud sang pagtaas sang gasto sa home rent, tubig, kuryente, gas.
Gina-ekspektar nga magapadayon pa ang pagnubo sang inflation sa 2025 antes ini magbalik sa target nga level, samtang nagapadayon ang BSP sa pagpanikasog nga mapabilin ang kalig-on sang presyo para sa paglawig nga pagtubo sang ekonomiya.
