KORONADAL CITY – Nagalaum ang isa ka Indonesian national nga masabat ang panginahanglanon sang mga biktima nga yara sa Sulawesi island nga tuman ginhalitan sang magnitude 7.5 nga linog kag tsunami nga ginkamatay kag ginkapilas sang madamo ka tawo.
Sa ekslusibo nga interbyu sang Bombo Radyo Koronadal kay Kian nga nagapabilin sa Hong Kong sa sulod sang 19 ka tuig, ulihi nga na-contact sini ang iya abyan nga babaye nga yara sila sa maayo nga kahimtangan makaligad nagdalagan sa bukid agud makaluwas sa tsunami.
Apesar wala ini sa iya pungsod nga gintubuan, padayon ang pangamuyo sini nga luwas ang iban pa nga miyembro sang pamilya sang iya abyan.
Base sa ulihi nga datos sang Indonesian disaster management agency, naglab-ot na sa kapin isa ka libo ang namatay sa nasambit nga kalamidad samtang masobra 500 naman ang napagkit nga pilason.
