Nagapadayon ang imbestigasyon sang Sultan Kudarat Municipal Police Station may kaangtanan sa isa ka Indian National nga ginluthang sang indi pa matumod nga mga suspek sa Barangay Limbo sa Sultan Kudarat, kahapon nga adlaw sang Domingo, Nobyembre 2, 2025.
Ginkilala ang biktima nga si Jagmeet Singh, isa ka Indian National nga nagapanukot sang pautang sa Sitio Datu Faisal sa Barangay Limbo , Sultan Kudarat sang ginpalapitan ini sang tatlo ka mga lalaki kag ginluthang sa ulo sang isa sa ila nga nagresulta sa iya gilayon nga kamatayon.
Samtang, madasig naman nga nakapalagyo ang mga suspetsado, suno sa mga barangay officials kag mga imbestigador halin sa Sultan Kudarat Municipal Police Station nga nagresponde sa insidente.
Sa karon, nagapadayon nga gina pangita sang mga awtoridad ang mga suspek may kaangtanan sa nasamabit nga krimen agud mahibaluan ang motibo sa pagpangluthang.
