Matapos ang trabaho ukon busy day, di bala manami nga maghigda sa mahumok nga higdaan kag bag-o laba nga besheet?
Ini ang makabulig agud marelieve ang stress sa lawas dala sang masako nga trabaho bilog nga adlaw.
Apang, suno kay Dr. Kim Langdon, isa ka OB/GYN, daku pa gid ang mabulig sa pagrelax kag mabuhinan ang stress amu ang indi pagsuksok sang underwear kun magkatulog.
Yari ang benepisyo nga makuha diri:
-Makaginhawa ang private parts
-Malikawan ang bacterial kag yeast infections
-Madasig matulugan
-Nagapadula sang toxins sa lawas
-Kag healthy nga sperm cell sa mga kalalakinhan
Pahayag naman ni Dr. Nancy Herta sang Michigan State University kun wala naanad sa wala pagsuksok sang underwear, mas maayo nga magsuksok na lang sang mga loose fitting cotton underwear agud makaginhawa ang private parts kag ideal sa mainit nga panahon.
