KORONADAL CITY – Ginpahanumduman sa karon sang konsulada sang Pilipinas sa Hong Kong ang mga Overseas Filipino Workers ukon OFWs nga mangin temprano ilabi kun may yara sang mga akikasuhon nga mga butang sa syudad nga ginapatigayunan sanng hublag protesta.
Sa report nga ginpalab-ot ni Bombo International Correspondent Merly Bunda,
nagakadapat suno pa nga magbalik gilayon sa tagsa ka lugar nga ginatiniran ang mga OFWs ilabi na kun may yara sang transakyon sa syudad kasubong sang pagpadala sang kwarta sa Pilipinas.
Ini agud nga indi na maipit pa sa tuman ka damo nga mga protesters nga nagapamatok sa extradition bill.
Kaangot sini, padayon man suno pa ang pagpahanumdom sang konsulada nga indi magpadulong sa mga protest areas agud nga indi na malamita pa sa hublag protesta.
May yara man suno pa sang ginapagwa nga schedule sang protesta ang Phil Consulate agud nga mahatagan ang mga ini sang abiso sa mga lugar nga may yara sang hublag protesta.
