Nagpanawagan ang National Bureau of Investigation (NBI) XII sa publiko nga indi magdali-dali magpati sa mga tawo nga makilala sa dating apps agud malikawan ang nagalapta nga love scam.
Sa interview sang Bombo Radyo Koronadal, ginpahayag ni Atty. Moises B. Tamayo, Acting Regional Director sang NBI XII, nga kinahanglan mangin mahinalungon kag mapinagmatyag ang publiko sa mga promisa sang mga indibidwal sa online dating platforms, ilabi na kun ini ang “too good to be true.”
Suno kay Tamayo, kasagaran nagausar sang peke ukon sala nga identidad ang mga nagapang-scam agud makapangilad kag makapangayo sang dako nga kantidad sang kuwarta sa ila mga biktima.
Dugang pa niya, padayon ang ginahimo nga tikang sang NBI XII agud mabuligan ang mga nabiktima sang online scams.
Ginpasiguro man niya nga bukas ang ila talatapan sa mga reklamo kag concern sang kada pumuluyo sang probinsya.
