KORONADAL CITY – Hugot nga ginpanginwala ni Sultan Kudarat Governor Pax Mangudadatu kag amo man ang chairman sang Regional Peace and Order Council (RPOC) nga siya isa ka traidor sa pungsod, protektor sang mga armado nga grupo kag isa ka ISIS sympathizer.
Suno kay Gov. Pax, wala sang kamatuoran ang nasambit nga mga akusasyon bangud mapamatud-an suno pa ang iya katampad sa pungsod sa pagpamuno sini sa Sultan Kudarat, nahimo sini nga mapabilin ang kalinong sa probinsiya nga malayo sa kalakasan.
Gin-insister man sini nga isa ka Christian province ang Sultan Kudarat kag siya ang pinakauna nga gobernador nga Muslim.
Dugang pa sini nga suportado niya ang administrasyong Duterte labi na nag kampanya batuk sa iligal nga droga, pagtapna sang korupsiyon, terorismo kag kriminalidad.
Rason nga nagapasalamat ini sang dako sa nangin pahayag sang NAPOLCOM nga ibalik na sa ila ang police powers matapos nga malakip siya sa 7 ka gobernador kag 132 ka mga alkalde sa bug-os nga pungsod bangud sa pagpabaya sa ila nga responsibilidad.
Top
