KORONADAL CITY – Ginabantayan na subong sang mga pumuluyo sa South Cotabato kun sin-o ang magdaug nga Barangay Chairman sa Barangay Lampari, Banga, South Cotabato matapos nga mag-atubangay ang mag-amay sa barangay chairman post.
Nahibaluan nga una nga tion ini nga mag-amay ang magkasumpong sa posisyon sang punong barangay.
Gin-ako mismo sa Bombo Radyo Koronadal ni incumbent barangay chairman Rahib Mama nga may kalain ini sang buot sa amay bangud sa pagkontra sa iya sa pwesto.
Suno kay Rahib, ginaidolo niya ang amay kag sa pagkamatuod ini ang mentor niya sa pulitika apang sa subong kaaway niya na.
Ginpahayag man sa Bombo Radyo ni Jack Mama nga wala sang malain sa iya nga pagkadidato bangud madamo naman suno pa siya sang supporters kag maathag ang iya nga plata porma de gobyerno.
Ginpasiguro man sang mga ini nga pagarespetuhon anuman ang mangin resulta sang eleksiyon sa Mayo.
Sa subong, ginatutukan na sang Municipal Comelec office kag mga otoridad ang nasambit nga barangay.
Nahibaluan nga majority sa nasambit nga barangay ang Muslim.
