-- ADVERTISEMENT --
Ginalauman nga magaabot ang masobra 200 ka mga langyaw nga delegasyon sa inagurasyon ni Pope Leo XIV.
Ini base sa mga opisyal sang Vatican kasunod sang pagpangtipon sang Provincial Committee for Order and Security nga ginpatigayon sang Martes sa Rome Prefecture.
Pipila sa mga dignitaryo nga maga-attend amo sanday US Vice President JD Vance, ang Royal family sang Spain, si Israeli President Isaac Herzog, kag mga lider halin sa European Union.
Bilang kabahin sang dugay na nga tradisyon sang Simbahang Katolika, pagahiwaton ang misa para sa inagurasyon ni Pope Leo sa adlaw sang Domingo, Mayo 18 sa St. Peter’s Square sa Vatican City.
Pagahiwaton ang inagurasyon mga alas 10:00 sang aga, oras sa Roma ukon alas 4:00 sang hapon, oras sa Pilipinas.
