Maga-agi pa sa malawig nga diskusyon ang impeachment trial ni VP Sara Duterte Carpio bangud madamo pa sang testigo kag pieces of evidences ang ipakita sa mga hearing.
Ini ang nangin panan-awan ni Atty. RJ Sustiguer-Presidente sang Integrated Bar of the Philippines- South Cotabato-General Santos Chapter sa inteview sang Bombo Radyo Koronadal.
Suno sa iya, ara palang ang impeachment trial sa presentation of evidence kag suno sa iya, magalawig pa ini bangud madamo sang gusto nga e-presentar pa nga mga witnesses ang prosecution kag ang defense team nga makabulig sa pagdo-ot sa bise presindente sa salabton sini sa bahin sa prosekusyon kag madamo man sang plano ang depensa agud nga maabswelto ini sa mga akusasyon batok sa iya.
Dugang pa sini, sa kada articles of impeachment, madamo sang mga maga testimonya nga mga testigo kag magluwas pa diri , ara man ang documentary evidences pa nga ginakinahanglan nga ilatag sang kada kampo.
Gina ekspektar man sini nga mangin maid-id ang paglatag sang mga testigo kag mga ebidensiya sang magtimbang nga bahin.
Madumduman nga ara na sa ikaduwa nga semana ang impeachment ni VP Sara Duterte sa diin sa apat ka articles of impechment, ara pa lang sa isa ang gina imbistigaran sang senate impeachment court sa diin ini ang may kaangatanan sa pamahog sini sa kabuhi nanday President Ferdinand Marcos Jr., First Lady Liza Araneta-Marcos, kag anay House Speaker kag Leyte Representative Martin Romualdez
