Nagasiling si Joel Chua nga posible pa gani makabulig sa 2028 presidential bid ni Sara Duterte ang ginakaharap sini nga impeachment case.
Suno kay Chua, mahimo ini nga himuon nga oportunidad sang Bise Presidente agod limpyuhan ang iya ngalan antes ang eleksyon. Dugang pa niya, kun makaabot sa Senado ang kaso kag sa ulihi maibasura, mahimo ini gamiton ni Duterte bilang depensa sa iya kampanya.
Sa karon, yara pa sa House Committee on Justice ang kaso. Nakatakda ang “hearings proper” sa Marso 25 kag gin-imbitar si Duterte nga magtambong, bisan pa may indikasyon nga indi siya mag-atubang.
Ginpabutyag man ni Chua nga ang impeachment isa ka “test of character” para sa bisan sin-o nga may handum nga mangin presidente. Amo na ini ang ikaduha nga beses sa sulod sang duha ka tuig nga ginahingadlan si Duterte sa impeachment proceedings.
