KORONADAL CITY- Nagapadayon sa gihapon tubtub sa karon ang imbestigasyon sang mga otoridad sa nagluntad nga engkwentro batok sa mga CTG sa may bahin sang Bangumbayan Sultan Kudarat.
Ini ang ginpahayag ni Capt. Elvis Dela Cruz, Spokesperson sang 603rd Infantry Brigade, Phil. Army sa interbyu sang Bombo Radyo Koronadal.
Suno sa iya, padayon ang ila nga pag imbestiga sa pipila pa ka mga miyembro sang CTG nga kung sa diin nakapalagyo ang mga ini makaligad ang nagluntad nga engkwentro.
Kung madumduman, patay ang 6 tanan ka mga personahe nga ginaalegar nga mga miyembro sang Communist Terrorist Group ukon CTG sa engkwentro sa tunga sang mga katapo sang 7th Infantry Battalion dira sa bahin sang Sitio Mudti sakop sang Brgy. Chua sa banwa sang Bangumbayan Sultan Kudarat.
Ang nga napatay ang ginkilala sa kanday DENNIS DOLUNAN alyas “Kalbo” Executive Committee Member kag Deputy speaker sang East Daguma Front remmants sang Sub-Regional Command ukon SRC Daguma,Far South Mindanao Region FSMR, LAILYN alyas “Aira” ang asawa ni alyas “Kalbo” nga nagatindog bilang Medic sang hinambitan nga grupo, SEP KASA alyas “Ho” ,JERRY KASA alyas “Kilil” kag 2 pa ka wala makilal-e nga nga kalalakin-an.
Narekober sang mga militar ang isa ka K47, 3 ka mga M16 rifle,mga magazine,mga bala, 3 ka mga Bandolier ,4 ka mga Analog Keypad Cellphones, 2 ka mga Charger,Headset,wallet,OR/CR sang single motor nga nakapangalan kay Nales Saliling,isa ka Certification sang single motor nga nakapangalan kay Jerry Casa kag iban pa nga mga dukomento kag personal nga mga kagamitan.
Samtang wala naman sang napagkit nga napatay sa bahin sang mga kasundaluhan may kaangtanan sa nagluntad nga engkwentro.
