KORONADAL CITY- Padayon nga ginapangita ang mga suspek sa nagluntad nga ginaalegar pagpanglugos patay kay Joan Maganto Lawian, 30-anyos sa bahin sang Sitio Tucalabong, Barangay Crossing Rubber, Tupi, South Cotabato.
Ini ang nanginpahayag ni PCapt. Ramil T. Sisi ang Deputy Chief of Police sang Tupi MPS sa interbyu sang Bombo Radyo KOrondal.
Suno pa sa iya, sa ginpatigayon nga Mortem Examination nahibaluan nga may crack ang ulo sini nga posible ginlampusan si Joan rason sang iya nga kamatayon, maya yara man suno pa sang damage sa iya nga ribs.
Madako ang pagpati sang mga kapulisan nga posible ginlugos ini bag-o napatay bangud sa wala na ini sang undergarments sang nasapwan ang iya nga lawas.
Samtang, suno pa kay Jayson, isa sa mga ulihi nga nakaupod sang biktima bag-o ini nga gindeklara nga nadula, kadungan pa nila si Joan sa pihak nga balay sang Abril 7 sang gab-i kag nakipag-inuman kaupod ang iban pa nga mga lalaki apang pag-abot sang alas1 sang bag-i kay nagpahibalo suno pa si Joan nga magpauli apang hindi ini nagpadul-ong bangud lapit lang suno pa ang ila nga balay halin sa ila nga gina-ilimnan.
Mahibaluan nga yara na sa state of decomposition ang bangkay sang Biktima sang nasapwan ang patay nga lawas sini.
Nagahangyo naman si Nanay Charita Lawian-Gadwino, nanay ni Joan, sang hustisya sa pagkapatay sang iya nga bata bangud sa makahilindis nga panghilitabo.
