Iloy sang first gold medalist sang rehiyon 12 sa Palarong Pambansa 2017 nangin emosyonal

KORONADAL CITY- Nakatulo suno pa ang luha sang iloy sang pinakauna nga gold medalist sang sang SOCCSKSARGEN warriors nga si Jeko Jann Heyres sa hinampang nga arnis elementary level makaligad madag-an sang iya nga bata ang bulawan nga medalya sa nagapadayon nga Palarong Pambansa 2017.

Sa interbyu sang Bombo Radyo Koronadal kay Myra Heyres, indi sini malipod ang kasadya sang mahibaluan sa Bombo nga nagdaog ang iya bata dugang pa nga pagasugataan suno pa nila sang hakos kag simple nga selebrasyon ang ila bata bangud sa kadalag-an sini.

Dugang pa sini nga bata pa lang si Jeko,nakitaan na ini sang potensyal ilabi na sa pagkahilig sini sa hampang nga arnis kun saa diin ang utod sini ang nag-awhag sa iya sa nasambit nga hinampang.