KORONADAL CITY – Wala nalikawan sang isa ka iloy nga magpaguwa sang kalain sang buot sa indi maayo nga pagtratar sang pila ka mga nurses sa South Cotabato Provincial Hospital makaligad nga ginpamalibaran nga akomodaron ang iya umagad nga manugbun-ag.
Sa interbyu sang Bombo Radyo Koronadal kay alyas Gelline, ugangan sang nagbun-ag nga iloy nga si alyas Jerica, gilayon sila nga nagpadulong sa nasambit nga pampubliko nga balay-bulolngan halin sa Brgy. Assumption agud idangat ang iya umagad labi na nga malapit na ini nga magbun-ag.
Apang pag-abot didto, ginpangayoan pa sila sang referral certificate apesar nakalockdown ang barangay hall didto tuga sa pamahog sa covid-19, kag gin-alegar man sini nga indi suno pa patas ang pagtrato sang mga nurse didto sa ila.
Bangud sini, gin-refer na lang sila sa Dr. Arturo Pingoy Medical Center apang ginpangayoan sila sang mahal nga downpayment gani nagbalik naman sila sa Provincial Hospital.
Ginasiling nga mga rason sang nasambit nga mga ospital amo ang wala suno pa sang mga doktor nga magaatiman sa pagbun-ag sang iya umagad kag wala suno pa sang available nga incubator.
Sa sini suno pa nga mga tinion malapit na nga magguwa ang bata apang wala sila ma-akomodar sa provincial hospital.
Gani nagdesisyon sila nga magpadulong sa pribado nga lying-in center apang ginpamalibaran man sila sa rason sang talatapan nga nagabaton lang suno pa sila sang mga iloy nga magabun-ag sang ila nga subang.
Ini bangud ikalima na ini nga lapsag nga igabun-ag ni Jerica.
Sa ulihi, nagdesisyon na lang sila nga ibun-ag ang lapsag nga babaye sa higad sang dalan.
Madamo naman nga mga concerned citizens ang nagbulig kag nag-atiman sa mag-iloy.
Apang depensa naman ni Dr. Conrado Braña, ang chief of hospital sang South Cotabato Provincial Hospital, luyag lamang suno pa nila masiguro ang kaluwasan sang mag-iloy bangud sa pamahog sang covid-19 rason nga wala suno pa naakomodar ang mga ini.
