Gin-appoint ni President Ferdinand Marcos,Jr. si Ilocos regional tourism director Joseph Francisco “Jeff” Ortega bilang chairperson sang National Youth Commission (NYC) tal-os kay Ronald Cardema.
Suno sa Presidential Communications Office (PCO) si Presidente Marcos nagasalig nga sa idalom sang pagpanguna ni Ortega, ang NYC magapadayon nga mangin isa ka importante nga pwersa sa pagporma sang palaabuton sang pungsod, nga nagahatag inspirasyon sa mga pamatan-on nga Pilipino nga mag-uyat sang mga papel sa paghimo sang makahulugan nga mga kontribusyon sa sosyudad.
Suno sa isa ka artikulo sang Esquire sang Enero 2024, si Ortega may yara sang masunod nga mga negosyo sa iya natawhan nga probinsya sang La Union: La Union Surf School, Stoked Inc. franchises, Ripcurl Philippines, kag Mad Monkeys.
Antes ang iya appointment, nagserbe si Ortega bilang hepe sang Department of Tourism Ilocos Region humalin sang 2019.
Si Ortega nakakuha sang iya degree sa political science gikan sa Ateneo de Manila University sang 2013, kag ang iya Master of Business Administration gikan sa Ateneo Graduate School of Business sang 2023.
Si Ortega ang nagbulos kay Cardema, nga nagserbe bilang NYC chairman halin 2018 tubtob 2020, kag gin-appoint liwat sang sadto-presidente nga si Rodrigo Duterte sang Enero 2022.
