Ilegal nga Banlas sa Kabukiran sa Pulabato, Tampakan, Ginabantayan sang Lokal ng Pamunuan

Magaatubang sa nagakaangay nga kaso ang madakpan nga nagapatigayon sang banlas sa kabukiran.

Ini ang nangin pahayag ni Niel Ryan Escobillo – Punong Barangay sang Brgy. Pulang Bato, banwa sang Tampakan, South Cotabato, sa interview sang Bombo Radyo Koronadal.

Suno kay Escobillo, hugot nga ginabantayan sang lokal nga pamunuan sang Barangay Pulabato ang pila ka bahin sang ila nasakupan matapos magtuga sang dako nga halit sa mga pumuluyo ang ilegal nga banlas sa mga kabukiran.

Dugang pa niya, padayon ang ila pagpaalinton sa katawhan sa mga halit sang pagbanlas sa mga kabukiran.

Nagpanawagan man siya sa mga naga-ubra sang ilegal nga banlas nga untatan na ini, kay indi sigurado kun ano ang posible nga epekto sini sa kaluwasan sang komunidad.