Ginpatigayon subong nga adlaw sang Oktubre 11, 2024 ang ika walo nga hearing sang Quad Committee ng Kamara de Representantes.
Suno sa Manila 6th District Rep. Bienvenido Abante Jr., ginimbita sang komite ang pamilya sang gma biktima sang drugwar sang makaligad nga administrasyon agud makahatag sang ila nga testimonya.
Kalakip sini ang mga biktima sang drug war sa Cebu City kag ang mga pamilya sang mga nagtaliwan bangud sa drugwar sa Barangay Batasan Hills sa Quezon City.
Madumduman nga sa nagligad nga hearing sang komite ang nasundan nga amo planado nga pagpanambang kay anay Philippine Charity Sweepstakes Office (PCSO) board secretary Wesley Barayuga, ini suno sa testimonya ni Lt. Col. Santie Mendoza.
Suno kay Mendoza, gintawagan siya ni Napolcom Commissioner Edilberto Leonardo angot sa may kaangtanan ni Barayuga sa illegal drugs trade kag pagsugo nga maglunsar sang operasyon batok saiya.
Dugang pa niya, ginpahayag ni Leonardo nga may “blessing ukon basbas man sini si anay PCSO general manager Royina Garma. Suno naman kay Quad Comm Chair, Cong. Ace Barbers, magapadayon sa gihapon ang hearing agud mahibaluan ang mga kaangtanan sang kwarta nga ginapagawas sang mga Philippine Offshore Gaming Operator (POGO) kag drugwar sang nagligad nga administrasyon nga nagtapos sang kabuhi sang kadam-an.
Una nga gin umpisahan ang hearing sang Quad Committee sang nagligad nga Agosto 16, 2024 sa banwa sang Bacolor, Pampanga.
