-- ADVERTISEMENT --
KORONADAL CITY – Nagapadayon sa karun ang imbestigasyon sang Sultan Kudarat PNP sa nagluntad nga pagsigabong sa isa ka restaurant sa banwa sang Isulan Sultan Kudarat.
Suno kay Bombo correspondent Larry Geronio, nagsigabong ang ginapatihan nga bomba sa sulod mismo sang Carlitos restaurant pasado alas 3 subong nga hapon kun sa diin ginasiling nga masobra 15 na ang pilason kag may napagkit man nga patay apang padayon pa nga ginakumpirmar.
Dugang pa sini nga kadamuan suno pa sang mga yara sa restaurant ang mga estudyante nga bag-o lamang gradwar sang highschool kag naga selebrar kaupod ang ila pamilya.
Sa karun ginkordon na ang area kag nagapangalap naman sang dugang nga impormasyon sa nasambit nga pagsigabong.
