KORONADAL CITY- Nagapadayon subong ang imbestigasyon sang Sultan Kudarat PNP sa nagluntad nga pagpasigabong sang ginapatihan nga Improvised Explosive Device (IED) sa syudad sang Tacurong subong nga aga gid lamang.
Suno sa isa sa mga biktima, isa ka makaduluda nga lalaki ang nagtalupangdan sa atubangan sang Sultan Kudarat Electric Cooperative ukon SUKELCO bag-o pa man ang pagsigabong kun sa diin ini ang ginapatihan nga naghaboy sang bag nga may unod nga IED.
Dugang pa nga sa interbyu sang Bombo Radyo Koronadal kay Sultan Kudarat Police Provincial Director Senior Superintendent Raul Supiter narekober ang mga lansang kag bahin sang cellphone nga gin-usar bilang triggering device.
Dugang pa sa impormasyon yara suno pa sa 8 ka persona ang napilasan nga ginkilala kanday:
Janno, Buendicho Bambad Isulan SK
Kenneth John Caromba, Tacurong SK
Larry Daniel 41, New Isabela Tacurong
Arnold Pampolina, 38 Tacurong City
Edison Escoltero, 29 EJC Montilla Tacurong City
Rommel, Calnaso 31 Cabuling, Tantangan South Cotabato
Jonel Alya 31, Cabuling, Tantangan South Cotabato
Janice Alcado New Carmen Tacurong City
Sa subong nakabatak ang alerto sang kapulisan kag militar sa bug-os nga probinsya sang Sultan Kudarat.
