KORONADAL CITY – Natukiban sang mga katapo sang Joint Task Force Central ang isa ka ginapatihan nga factory sang improvised explosive devices (IED) kag improvised bombs sa bahin sang Barangay Pagatin, Shariff Saydona, Mustapha, Maguindanao.
Gipahayag ni Major General Juvymax Uy, Joint Task Force Central kag 6th Infantry Division Commander nga ang nadiskubrehan nga factory kag nakuha nga mga nagkalain-lain nga IED components ang ginapatihan nga hinimo sang isa ka Emir sang Daulah Islamiya-Turaiffe Group nga si Ustadz Esmael Abdulmalik.
Ang mga narekober nga mga eksplosibo kag mga bomb components ang ginakalakipan sang sang 12 assorted container type IEDs; blasting caps; several grams of ammonium nitrate, black powder, and sulfur powder; 9-volts battery; Anti-Personnel claymore mine;, ammunition for RPG and 40mm HEAT; laboratory test tube glasses; electric wires; improvised switch, cartridge shell of 57RR; kag remote control.
Gindugang pa ni Maj.Gen Uy nga indi mag untat ang JTFC forces sa paglagas sang mga terrorsita nga responsable sa pagtuga sang mga atrosidad kag kinagamo sa mga komunidad nga gina protektahan sang mga kasuldaduhan.
