Iconic nga sapatos nga ginsuksok ni Judy Garland sa ‘The Wizard of The Oz’ nabaligya sa $32.5-M

Nabaligya sa balor nga $32.5 milyon ang iconic nga sapatos nga ginsuksok sang actress nga si Judy Garland sa pelikula nga “The Wizard of Oz”.

Suno sa Heritage Auctions nga ang red sequins nga isa sa apat nga nabilin para sa pelikula nga ginsuksok sang actress sang 1939.

Wala pa sa karon ginpapubliko sang Heritage Auctions ang nagdaog sa nasambit nga bidding.

Nalabawan sini ang Seven Year Itch dress sang actress nga si Marilyn Monroe nga nabaligya sa balor nga $4.6 milyon sang 2011.

2005 sang ginkawat ang sapatos halin sa Judy Garland Museum sa Grand Rapids, Minnesota.

Sa sulod sang pila ka dekada nadula ang nasambit nga sapatos tubtob narekober ini sang mga undercover FBI agent.