Gin-turn over sang Independent Commission on Infrastructure (ICI) ang mga dokumento nga may kaangtanan sa imbestigasyon sang gin-alegar nga anomaliya sa flood control projects sa Office of the Ombudsman sa Quezon City.
Ginkarga ang mga dokumento sa mga truck nga ginbilin sang Philippine National Police (PNP) personnel kag isa ka logistics company.
Sa labels sang mga kahon, nakalista ang mga lokasyon sang mga flood control projects nga gin-imbestigaran sang ICI, lakip na ang Albay, Sorsogon, Isabela, Romblon, kag iba pa. Nakabutang man ang mga ngalan sang mga Department of Public Works and Highways (DPWH) offices, kaangay sang DPWH Region 4A, DPWH Region 4B, DPWH Negros Oriental, kag DPWH Tarlac.
Ang mga contractors nga nakalista sa mga dokumento amo ang mga kompaniya kaangay sang St. Gerard Construction, Silverwolves Construction Corporation, Legacy Construction Corporation, Alpha and Omega General Contractor and Development Corporation, St. Matthew General Contractor, kag Sunwest Inc.
