Kumpiyansa ang Deputy Prosecutor sang International Criminal Court (ICC) nga maga-uswag sa full trial ang kaso nga crimes against humanity batok kay anay Presdente Rodrigo Duterte, kasunod sang apat ka adlaw nga hearing angot sa confirmation of charges sa ICC Pre-Trial Chamber I.
Suno kay Deputy Prosecutor Mame Mandiaye Niang, nakapresentar na ang prosekusyon sang igo nga ebidensiya, lakip na ang mga pahayag mismo sang anay Presidente.
Gindugang niya nga sa sini nga bahin, kinahanglan lang magpakita sang husto nga basehan ang prosekusyon kag indi pa ini ang aktwal nga trial.
Nagpanindugan man siya nga may mabakod nga ebidensiya batok sa anay Presidente, kag bisan pa nga ginakuwestyon sang depensa ang kredibilidad sang mga testigo, indi ini pagatalupangdon sang mga hukom tubtob wala pa ang trial kag cross-examination.
Sa pihak naman sang depensa, nagpahayag si Nicholas Kaufman nga nagapati siya nga ang desisyon sang mga hukom magabase sa ebidensiya.
Ginalauman nga igaguwa sang Chamber ang ruling sulod sang 60 ka adlaw.
