Ginpaambit ni Ombudsman Jesus Crispin “Boying” Remulla nga nagpaguwa na sang arrest warrant ang International Criminal Court (ICC) batok kay Senador Ronald “Bato” Dela Rosa.
May kaangtanan ini sa mga alegasyon sang crimes against humanity nga may kaangtanan sa kampanya kontra droga sang administrasyon Duterte.
Si Dela Rosa ang anay hepe sang PNP kag panguna nga tagpatuman sang Oplan Tokhang.
Wala pa sang opisyal nga dokumento nga nabaton ang Department of Justice may kaangtanan sa ginahambal nga warrant. Nagpanindugan naman ang bahin ni Dela Rosa nga indi na sakop sang ICC ang Pilipinas halin sang nagbiya ini sang 2019.
Apang, ginpahayag sang ICC nga sarang pa gihapon sini maimbestigahan kag masentensyahan ang mga krimen nga natabo samtang miyembro pa ang pungsod.
Hasta subong wala pa sang panibag-o nga pahayag si Sen. Dela Rosa angot sa nasambit nga development.
