Ginpangalan sang International Criminal Court (ICC) sanday Senador Ronald “Bato” dela Rosa kag Senador Christopher Lawrence “Bong” Go bilang mga co-perpetrators sa kaso may kaangtanan sa kampanya kontra droga sang anay Presidente Rodrigo Duterte.
Base sa ginpagwa nga Document Containing the Charges (DCC) sang Pebrero 13, 2026, gintudlo si Duterte bilang indirect co-perpetrator suno sa Article 25 (3)(a) sang Rome Statute para sa mga krimen batok sa katawhan, partikularmente ang murder kag attempted murder.
Nasulat sa dokumento nga ang mga pagpatay natabo halin 2011 tubtob 2019, lakip na ang mga insidente sa Davao City nga ginaugnay sa Davao Death Squad, kag mga operasyon sa idalom sang “war on drugs” sa iya administrasyon.
Sunod sa ICC, ang paglakip sanday dela Rosa kag Go sa listahan bangud sang ila papel sa pagpahamtang kag pagsuporta sa mga polisiya sang drug war.
Lakip man sa mga ginpangalan nga opisyal ang pila ka anay miembro sang gabinete kag law enforcement agencies nga may direkta nga kalabutan sa operasyon.
Yari ang pila sa mga pangalan nga ginpangalan sang ICC:
Ronald “Bato” Dela Rosa
Vicente Danao
Camilo Cascolan
Oscar Albayalde
Christopher Lawrence “Bong” Go
Dante Gierran
Isidro Lapeña
Vitaliano Aguirre II
Iban pa nga opisyal sang Philippine National Police kag high-ranking government officials.
Sa karon, nakatukod na ang Pre-Trial Chamber sang ICC nga pagatun-an ang mga ebidensiya agud matukiban kun magapadayon ang hearing.
