Ginpabaskog sang mga hukom sang International Criminal Court (ICC) Appeals Chamber ang desisyon sang Pre-Trial Chamber nga dapat magpabilin sa gihapon sa prisohan si anay Presidente Rodrigo Duterte.
Suno sa ICC, igabasura na sang Appeals Chambers ang tanan nga mga argumento lakip man ang ground of appeals sang mga abogado ni Duterte.
Nakakuha sang unanimous voting ang five-person Appeals Chamber agud ibasura ang hingyo sang depensa sa Pre-Trial Chamber.
Napaslawan ang Depensa nga tukibon ang mga sala sang Pre-Trial Chamber kun sa diin ginbase sang Panel of Experts agud maghatag sang pinakabag-o nga update sa ikaayong lawas ni Duterte.
Ginkonsiderar man sang panel of experts ang duha ka datos agot sa kondisyon sang anay presdente nga ginpreparar sang medical practitioners kag ginpili sang defense team.
Madumduman nga sang Marso 12, 2025 gindala kag ginpriso sang ICC sa The Hague ang anay Presidente bangud sa kaso ng awar against humanity sa kampanya sini sa iligal nga droga halin pa sang sini alkalde sang Davao City tubtob nangin presidente sang Pilipinas.
