Nagakaangay nga hugot nga respetuhon ang rule of law sang kada Pilipino agud nga mabatayagan man sang pungsod ang katawhay kag kalinong.
Ini ang ginpahayag ni Atty. RJ Sustiguer- President of Integrated Bar of the Philippines- South Cot sa interview sang Bombo Radyo Koronadal angot sa issue nga ginapangatubang sa subong sang Pilipinas.
Suno sa iya, nagakadapat nga mag eliher kita sang mga lider nga may respeto sang rule of law.
Gindugang pa sini nga nagakaangay nga pabaskugon man sang gobyerno ang accountability mechanism agud nga maduso ang transparidad sa pungsod parehas sang Commission on Audit, Commission on Human Rights kag Commission on Election kag iban pa nga mga consitutional commissions para malikawan ang issue parehas sang lapnagon nga kurapsyon, issue sang flood control kag madamo nga iban pa.
Nagapati man ini nga kun ibutang sang mga Pilipino ang husto nga mga persona sa posisyon, indi ang mga ini maga himo sang pamaagi nga makaguba sang interest sang mga Pilipino kag sa public funds.
Dugang pa sini, nagakaagay nga pabaskugon man sang pungsod ang democratic insitution sa diin indi lang ang lider kundi pati man ang sistema ang mga siguro nga maga ubra ang tanan sang maayo.
Naga kadapat man nga sa baylo nga magbinantayanay ang tanan sang hulag sang kada isa, mag isip nalang sang mga pamaagi agud nga mas mapa umwad pa ang pangabuhi sa pungsod.
