Nagapati ang isa ka abogado nga indi mangin madali para sa kongreso kun naga plano man ang mga ini nga maghimo sa tikang agud nga e-impeach si VP Sara Duterte.
Sa interview sang Bombo Radyo Koronadal kay Atty. Jasper Kent Perez ginhatagan sini sang ligwa nga mangin mabudlay sa bicameral congress nga himoon ang pagkakas sa sa bise presidente sa posisyon apisar nga may mga maathag na nga impeachable offence ini sa kabangdanan nga mangin dako ang epekto sini sa palaabuton nga election sa madason nga tuig.
Suno kay Perez, dako ang madula sa sinu man nga senador nga makapakita sang pagkontra kag VP Sara sa mga botante nagikan sa Visayas kag Minadanao bangud sa tion nga makita sang kadam-an nga mga botante ang isa ka senador nga magapakita sang suporta sa impeachement ni VP Sara dako ang chansa ang indi man ini pagsuportahan ukon botohon sang mga botante nga nagapati kag naga suporta kay VP Sara.
Ginpahayag man sini nga ang impeachment isa ka political in nature kag mahimo ini usaron sa bisan sino man nga luyag nga makakas sa posisyon sa pinakamadasig nga tion.
