KORONADAL CITY- Nagapadayon sa gihapon ang imbestigasyon sang Lake Sebu PNP sa nagluntad nga brutal nga pagpatay sang isa ka mister sa kabit sang iya misis sa Prk. Tboli, Brgy. Lake Lahit, Lake Sebu, South Cotabato makaligad sini maaktuhan nga nagapakighilawas ang mga ini sa ila bahay kubo.
Sa eklusibo nga interbyu sang Bombo Radyo Koronadal kay Police Inspector Lolito Moreno, deputy chief of police sang Lake Sebu PNP, ginkilala ang suspek nga si LandoTingal Kaong, 41 anyos, mangunguma ka residente sang nasambit nga lugar samtang ang biktima amuh si Carling Dagang Gambin, 32 anyos , isa ka mangunguma, may asawa kag residente sang nasambit man nga lugar.
Tuman nga selos kag kaakig ang nagtulod sa suspek nga labuon sa liog kag ulo ang biktima makaligad nga maaktuhan nga nagapatong ang biktima sa iya nga misis kag nagapakig hilawas kun sa diin ang misis sini amuh si Menial Kabing Kaong, 40 anyos.
Makaligad mapatay sang suspek ang biktima, boluntaryo ini nga nagsungka sa Lake Sebu PNP samtang ang misis sini ang nagpalagyo apang nagsungka man sa kapulisan.
Sa karun yara sa punerarya na ang bangkay sang biktima para sa post mortem examination samtang nagapadayon pa ang imbestigasyon sang mga otoridad sa nasambit nga krimen:
