ISULAN, SULTAN KUDARAT – Nagapabilin ang hugot nga seguridad nga ginapatuman sang Isulan PNP makaligad natabo ang makahalanusbo nga pagpamomba sa nasambit nga banwa nga nagbilin sang 3 ka patay kag kapin 40 naman ang pilason sa bahin sang Brgy Kalawag 3 isa ka tuig na ang nakaligad.
Suno kay Lt. Col. Joven Bagaygay, hepe sang Isulan PNP sa interbyu sang Bombo Radyo Koronadal, wala sang pagsaulog nga ginpatigayon ang nasambit nga siyudad base sa nangin mandato ni Isulan Mayor Maritess Pallasigue bilang respeto sa mga himata sang mga biktima, sa baylo nagpatigayon na lamang sang isa ka misa kag salo-salo sa Municipal Hall.
Gin-ako man sang opisyal nga nagapabilin nga mataas ang pamahog sa seguridad sa iya nasakupan rason nga mas ginpahugtan pa niya ang security preparations batok sa mga malain nga mga elemento.
Kasubong nga preparasyon man sa seguridad ang ginhimo sini sa Brgy Kalawag 2, kun sa diin ginbombahan man ang nasambit nga lugar kag ginasaulog ang una nga anibersaryo sini subong nga adlaw, Setyembre 2.
