KORONADAL CITY- Ginpasiguro ni Provincial Jail Warden Juan Lanzaderas nga nagapatuman sila sang hugot nga monitoring sa South Cotabato Provincial Jail.
Sa ekslusibo nga interbyu sang Bombo Radyo Koronadal kay Jail Warden Lanzaderas, hugot nila nga ginatutukan ang mga nagabisita sa mga inmates agud nga indi na makasulod ang anuman nga kontrabando.
Kaangot sini, lauman man ang dugang nga pasilidad sa sulod sang provincial jail agud nga masolusyunan ang congestion sa jail facility.
Nahibaluan nga sa subong masobra 1000 na ang napreso sa provincial jail kag kinahanglan nga masaylo ang iban nga inmates sa mga bag-o nga selda.
Kaangot sini, masako sa karon ang mga lady inmates sa ila nga pangabuhian nga nabaton nagikan sa PESO kag DOLE kun diin dako ang bulig sini agud nga may yara sila sang dugang nga income.
Samtang, ang mga lalaki nga inmate’s ang masako naman sa paghimo sang mga souvernirs, parol, kag iban pa nga mahimo maka-income sila.
Gin-insister man ni Lanzaderas nga sila sa gihapon ang may kontrol sa materyales nga ginagamit sang mga ini agud nga indi magamit sa pagpalagyo kag iban pa.
