KORONADAL CITY- Ginpahanumduman ni LTO Reg 12 Director Macario Gonzaga ang tanan nga mga Motorista nga magapatigayon sila sang hugot nga Check Point sa palaabuton nga Semana Santa.
Suno kay RD Gonzaga, ang tanan nga mga dokumento ang ila maid-id nga pagatsekyeron subong sang Lisensya kag Rehistro kadungan sa pag-obserba sang Holy Week subong nga tuig.
Ini agod nga mangin aware ang mga pumuluyo kag malikawan ang mga disgrasya subong na lang sang pagpangawat.
Dugang pa nga maga-deputize ang tanan nga Kapulisan sa pagmonitor sa mga dalanon bangod sa posibilidad sang dako nga numero sang mga magabakasyon kag iban pa ka mga hirikuton ang mga pumuluyo bangod sa Long Week Vacation.
Nagakadapat nga pagasiguraduhon na lang sang mga motorista kag mga byahero sang ila mga kompleto nga dokumento agod indi madelatar ang ila nga pagbyahe sa Semana Santa.
