KORONADAL CITY – Nagapadayon sa karon ang imbestigasyon sang mga otoridad sa nagluntad nga pagkapatay sang isa ka suldado nga naluthangan sang isa ka pulis sa banwasang Pikit, North Cotabato.
Ginkilala ni Pikit PNP Chief Police Major Maxim Peralta ang napatay nga si Sgt. Roy Degamo miyembro sang 6thID, Philippine Army nga residente sang Carmen, North Cotabato.
Samtang ang pulis nga nakaluthang ang ginkilala kay Police Senior Sergeant Chris Paul Aninon Baldo nga miyembro naman sang Midsayap MPS, kag kasamtangan nga naka sick leave bangud bag-o lamang ini nagpaidalom sa kidney transplant.
Suno kay Peralta, nagsugid ang nanay sng pulis nga nagabantay sa sari-sari store bangud nahadlok sa nakita nga sukbit nga armasl sang suldado.
Natingala man ang nanay sang pulis kun ngaa yara ang lalaki apisar nga sirado na ang tindahan.
Rason nga sang ginpamangkot ini sang pulis pulis, wala na ini nagsabat sa baylo ginpakita ang iya dala nga arms rason nga ginpalukpanm ini kag sa ulihi natukiban nga hubog gali.
Gilayon naman nga nagsungka ang pulis sa Pikit MPS samtang ginapatigayon pa ang mas madalom nga imbestigasyon sa insidente.
Gindala pa sa hospital ang suldado apang tigayon na nga ginbawian sang kabuhi.
Sa subong, ginpasiguro ni Peralta nga mangin patas ang kapulisan sa pagpatigayon sang imbestigasyon labi na kag kabaro nila kag suldado ang involbado sa insidente.
