KORONADAL CITY – Ginbawian sang kabuhi ang isa ka motorista matapos maaksidente ang ginasakyan nga motorsiklo sa Brgy. Sta. Cruz, Koronadal City.
Ini ang ginkumpirmar ni Master Sergeant Leo Dimaculangan, Koronadal PNP Traffic Section Investigator sa interview sang Bombo Radyo Koronadal.
Ginkilala ang biktima nga si Johnrey Claros, 23 anyos, nga residente sang Barangay Mambucal, Koronadal City.
Suno kay Dimaculangan nabunggo ang motorsiklo nga ginamaneho ni Claros sa plant box sang barangay sa kilid sang dalan rason ngna nadulaan ini sang kontrol sa iya pag-maneho kag nahulo sa shoulder sang dalan.
Bangud sa kabaskog sang impact sa pagkabunggo sa dako nga plant box, nagtabog ang biktima.
Nahibaluan nga nakainom ang biktima nga ginalantaw nga rason kun ngaa nadisgrasya ini.
Bangud sa aksidente, nagtabog ang helmet sang biktima kag nakaangkon sang dako nga pilas sa ulo nga gintunaan sang iya kamatayon.
