Patay ang isa ka babayi samtang pilason ang iya utod matapos gin labo sang ila kaugalingon nga utod sa Barangay Lamdalag, Lake Sebu, South Cotabato alas 3:30 sang hapon sang Sabado, Hulyo 5, 2025.
Sa inisyal nga imbestigasyon sang Lake Sebu Municipal Police Station, ang suspek nga si alyas “Bonifacio,” 46 anyos, isa ka mangunguma kag residente man sang amo nga barangay, naglabay sa balay sang mga biktima nga sanday alyas “Gina,” 40 anyos, kag alyas “Siga,” 62 anyos.
Hubog suno pa kag agresibo ang suspek sang naglabay siya sa balay sang iya mga utod. Dugang pa nga gin saway sang mga biktima ang suspek apang nangakig ini kag ginlabo gamit ang bolo ukon lagaraw ang duha sa biktima.
Si Gina nakaangkon sang madalom nga pilas nga nagresulta sa iya kamatayon, samtang si Siga naman pilason kag madason man nga gindangat sa Lake Sebu Community Health Care Complex.
Boluntaryo nga nagsurender man ang suspek sa isa ka anay opisyal sang barangay sa PNP.
Padayon nga ginapangita sang mga otoridad ang gin gamit nga lagaraw sa krimen nga wala nakita sa lugar sang insidente.
Ara na sa kustodiya sang pulis ang suspek samtang ginaprepara ang kaso nga igapasang-at batok saiya.
