Nagresponde ang mga emergency crews sa Northeast Philadelphia matapos nagtibusok ang isa ka gamay nga jet sa lugar sang Roosevelt Boulevard kag Cottman Avenue, ini ginkumpirmar sang Philadelphia Police.
Ang eroplano, isa ka Learjet 55, nagabiyahe halin sa Philadelphia pakadto Springfield, Missouri, kag nagalarga sa Northeast Philadelphia Airport sang nagluntad ang trahedya.
Ang eroplano nag-tibusok sa isa ka komunidad sa gawas sang Roosevelt Mall, mga pila ka minuto lang pagkatapos magbiyahe halin sa airstrip mga alas 6:07 (EST) sa gab-i.
Suno sa mga otoridad, duha ka tawo ang sakay sa eroplano.
Sa karon, wala pa ini nahibal-an kung nakagawas sa eroplano ang duha ka sakay sini.
Kadam-an sa mga panimalay kung sa diin nag luntad ang pagtibusok ang nasunog kag pipila man ang mga pilason kag may mga negosyo man lapit sa Roosevelt Mall ang nasunog.
Ang Federal Aviation Administration (FAA) kag National Transportation Safety Board (NTSB) padayon ang imbestigasyon sa insidente.
