Usisaon sang House quad committee ang gina-alegar paggamit ni anay Philippine Charity Sweepstakes Office (PCSO) General Manager Royina Garma sa diplomatic channel sang Philippine National Police (PNP) para makapadala sang milyon nga kantidad sa iya anay bana nga na-designar sadto sa Estados Unidos.
Nagapabilin nga palamangkutanon sa quad comm kon ngaa magapadala sang dako nga balor si Garma sa iya anay bana nga si Police Colonel Roland Vilela.
Sa hearing sa komite sang Setyembre 27, mag-gwa ang mga ebidensya may angut sa gina-alegar pag-gamit sang diplomatic pouch sang PNP para makapadala sang dako nga balor sang kwarta kay Vilela sang ini ang isa pa ka police attache sa Philippine Consulate General sa Los Angeles, California sang 2020 tubtob 2022.
Ang PNP diplomatic pouch ang ginagamit para sa opisyal nga komunikasyon kag suweldo sang attache.
