Ginkumpirmar sang Korte Suprema ang pagsumiter sang House of Representatives sang ‘Motion for Reconsideration’ angot sa nangin desisyon sang Korte Suprema sa Impeachment vs. Vice President Sara Duterte.
Apisar nga indi aktwal ukon pisikal ini nga ginsang-at sa talatapan sang Supreme Court, suno kay Spokesperson Atty. Camille Sue Mae Ting, nasumiter ini paagi sa eCourt PH ukon e-filing.
Apang, ginahulat pa nila ang hard copy sang mosyon sandig sa guidelines sang Korte Suprema.
“Good afternoon. We confirm that the House of Representatives submitted a Motion for Reconsideration via eCourt PH in G.R. No. 278353 (Duterte v. HOR). We are still waiting for the hard copy of the MR, in accordance with the Guidelines on the Transition to Electronic Filing in the Supreme Court,” ani Atty. Camille Sue Mae Ting.
Madumduman nga gindeklarar nga ‘unconstitutional’ sang Korte Suprema ang ‘articles of Impeachment’ nga ginsumiter sang Kamara.
