Nagapanawagan ang House Committee on Aquaculture and Fisheries Resources sa Department of Agriculture (DA) nga hatagan sang patas nga pagtamod ang pag-uswag sang mga moderno nga pasilidad agud mapabaskog ang produksyon sang isda kag makabulig sa pagnubo sang produksyon sang isda sa West Philippine Sea (WPS).
Sa pagpanguna ni Representative Brian Raymund Yamsuan nga amo ang chairman sang Komite, nag-upod si House Minority Leader kag 4PS Partylist Rep. Marcelino Libanan sa panawagan sa DA, paagi sa Philippine Fisheries Development Authority (PFDA), nga magpatindog sang mas madamo nga fish port kag cold storage facilities sa Samar, Leyte kag sa iban pa nga probinsya sa Visayas sa eastern seaboard sang pungsod.
Ginawhag man ni Yamsuan ang PFDA nga himuon nga mas temprano ang timeline sang pagpatindog sang fishport sa munisipyo sang Oras, Eastern Samar sa 2025 ukon 2026, sa baylo sang orihinal nga iskedyul nga 2028.
