KORONADAL CITY- Nagapadyon ang imbestigasyon kag hot pursuit operation batok sa isa ka pulis makaligad suno pa nga ginlampusan sa ulo ang kaugalingon nga asawa.
Ginkilala ang nasambit nga opisyal nga si P/Cpl. Edwin Habagat nga nakadestino sa Regional Personnel Holding and Accounting Unit(RPHA) sang PNP PRO 12 samtang ginkilala ang asawa sini nga si Davy Joy Habagat, 37 anyos, isa ka manugtahi kag lunsay mga residente sang Prk. Paglaum, Brgy. Paraiso, sa syudad sang Koronadal.
Suno kay P/Lt. Analiza Domingo, ang investigation section sang Koronadal PNP, nakabaton ang mga ini sang tawag halin sa isa ka pribado nga balay bulul-ngan sa syudad nga may gindala nga biktima sa paglampos.
Didto suno pa nakilal-an ang biktima nga asawa ni Cpl. Habagat kung sa diin nahibaluan suno pa nga gindangat ang iya nga misis.
Sa inisyal nga imbestigasyon sang kapulisan, nga antes gindangat ni Habagat ang asawa sa balay bulul-ngan, sadtong Disyembre 9 nga nagluntad suno pa ang alegasyon nga pagpanglampos sa nasambit nga pulis, apang nagreklamo suno pa ang biktima na nagasakit ang ulo at nalipong pa ini, rason nga gindala ini sa ospital.
Bangud sa naangkon nga injury sang biktima, wala na sini nasarangan ang kondisyon kag gindeklarar nga dead on arrival pag-abot sa nasambit nga ospital.
Sa subong, kaakig kag pagpangasubo ang nabatyagan sang pamilya bangud sa natabo.
