KORONADAL CITY – Nagpatigayon na sang hot pursuit operation ang mga mlitar sa mga responsable sa pagkapatay sang isa ka katapo ang 99th Infantry Battalion makaligad nga gin-atake ang isa ka checkpoint sa Datu Salibo, Maguindanao del Sur.
Ginkilala ni 6th Infantry Division spokesperson Lieutenant Colonel Roden Orbon ang napatay nga si Private Rosendo Gannaban samtang pilason naman kag nagapaayo sa kasamtangan si Private First Class Lexter Lizardo.
Ginpahayag ni Orbon nga yara sa mga napulo ka mga armado ang nag-atake sa checkpoint sang 99th Infantry Battalion.
Ang mga ini ang ginapatihan nga mga katapo sang Bangsamoro Islamic Freedom Fighters (BIFF) o Daulah Islamiya Group.
Nag-abot naman sa 20-30 ka mga military personnel ang gin deploy sa mga checkpoints sang sila ang gin paulanan sang bala sang mga suspeks.
Dugang pa ini Orbon ang mga army patrol base ang naga serbe nga control kag strategic point sang mga sundalo nga lakip sa mga humanitarian assistance kag relief operations sa mga ginbaha nga lugar malapit sa Datu Salibo.
Ginpahayag pa sini nga mga Army units ang kaupod sang Bangsamoro Rapid Emergency on Disaster Incidence (READi) kag mga lokal nga government units sa tion sang kalamidad labi pa nga naga responde ang mga ini sa mga naga kinahanglan.
