KORONADAL CITY – Nagapadayon ang imbestigasyon sang North Cotabato PNP kaangot sa pagpatay sang mga suspek sa chief of police sa banwa sang Carmen.
Sa interbyu sang Bombo Radyo Koronadal kay PNP-12 spokesperson Lt. Col. Lino Capellan, sandig sa inisyal nga imbestigasyon, rumesponde ang Carmen PNP sa pagpanguna sang ila hepe nga si PMaj. Joan Resurrecion sa insidente sang pagpangluthang-patay sa isa ka dumuluong sa quarry site sang Sitio Tawan-Tawan, Brgy.Poblacion sa nasambit nga banwa.
Gilayon nga nagpatigayon sang hot pursuit operation ang mga otoridad apang gin-ambush sang mga wala nakilal-an nga mga suspek si Resurrecion rason nga naigo ini sa iya lawas.
Gilayon nga gindangat sa balay bulolngan si Resurrecion apang wala na ini nakaabot nga buhi.
Sa subong padayon ang paglagas sang mga kapulisan sa mga responsable sa pagluthang sa ginpatay nga chief of police.
