KORONADAL CITY- Opisyal na nga nag umpisa ang Holy Month of Ramadan, ang isa ka bulan nga pag-aayuno sa tanan nga Muslim o Islam believers sa bilog nga kalibutan.
Ini ang nangin pahayag ni Camaludin Rasul isa ka Elder sa Mosque sa interbyu sang Bombo Radyo Koronadal.
Suno sa iya, bilang isa ka Muslim, naandan na nila ang ini nga buluhaton pinaagi sa pag puasa, pagpangamuyo kag pagpangayo sang pasaylo kay Allah.
Ini ang ginakonsidera nila nga balaan nga adlaw bangud isa man ini ka pamaagi nga ila nga ginpapang-on ang ila naman nga pagtuo// Isa sa mga sentro sang ila nga pagpangamuyo amo ang kalinong kag paghiliusa sang mga pumuluyo sa Mindanao.
Madumduman nga subong ang pagsugod sang Ramadan.
Ini ang nangin anunsyo sang Bangsamoro Darul-Ifta’ (BDI) matapos nga wala nakita ang bulan sining Domingo sang gab-i.
Ang moon sighting nga siya ang nagadetirmina sang pagsugod sang Ramadan ang ginhiwat sa nagkalain lain nga lugar sa Mindanao.
Bangud sa wala ini nakita nagdesisyon si Bangsamoro Mufti Sheikh Abdulrauf Guialani kaupod ang pila ka mga BDI ulama kag religious sectors nga suguran ang Ramadan subong nga adlaw.
Ang Ramadan ang pang-siyam na bulan sa Islamic calendar..
Sa nasambit nga panahon ginganyat ang mga ang mga Islamic faith believers nga mag-fasting bilang Muslim ang dapat mag-reflect, magpangamuyo kag fast para sa spiritual discipline kag pagpabaskog sang pagpati.
