Ginkumpirmar sang iya pamilya ang pagtaliwan ni Sam Neill sa edad nga 78 bangud sang isa ka talagsaon kag agresibo nga sahi sang blood cancer.
Dugang pa sang pamilya, malinong nga nagtaliwan ang aktor sa iya balay sa Sydney, Australia.
Ang nasambit nga aktor nakilala sa iya mga pelikula kasubong sang Jurassic Park kag Peaky Blinders.
Nagpangayo sang pribasiya ang iya mga himata kag ginpangabay nga hatagan sila sang tion agud makapanumdum kag makapangasubo sa iya pagtaliwan.
Natawo si Sam Neill sa Northern Ireland antes nagbalhin ang ila pamilya sa South Island sa New Zealand sang pito pa lamang siya ka tuig.
Sa bug-os niya nga karera, nakabaton siya sang madamo nga dungog kag pagkilala, lakip na ang Officer of the Order of the British Empire sang 1991 kag ang knighthood nga ginhatag sang New Zealand sang 2022.
